Ay Chaand Si larki

Suno Ay Chaand Si larki,
Abhi tum Titliyan pakro,
Ya phir Masoonm si Ankhon sey,
Dheroon, khawab dekho tum
Faraz-o-Faiz-o-Mohsin ki
Kitaabain mat abhi parhna,
Ye sab lafzon k Shair hain,
Tumhain uljha dain gey,
Tumhein maloom hi kab hai,
Muhabbat k Libaaday mein
Hawas aur Hirs hoti hai,,
Ye insaan ki Dunya hai,
magar in sey kahin barh kar,
Yahan Wehshi darinday hain,
Wo Wehshi, jin ki ankhon mein,
machaltay piyaar k peechay
Hawas Or Hirs hoti hai,
Abhi kachi kali ho tum,
Abhi kaanton sey mat khailo,
Abhi apni hatheli par,
Kisi ka Naam mat likho,
Abhi apni Kitaboon main,
Gulabi phool mat rakho,
Abhi Shairon mein mat uljho..
Abhi to Umer baqi hai,
Abhi khud ko sanbhalo tum
Abhi mat Gungunao tum,
Abhi sey Ishq mat socho,
Abhi sab Bhool jao tum....!
Abhi sab Bhool jao tum.....!