Suno Tum Ny Kaha Tha Na

Suno Tum Ny Kaha Tha Na!!
Mujhy Jazb-E-Muhabbat Say Kabhi Jo Tum Pukaro Gi
Main Uss Din Lout Aaon Ga!!
To Daikho Na!!
Kai Lamho'n
Kai Salo'n
Kai Sadiyo'n
Sy Tera Rasta Takti
Ye Meri Muntzar Ankhain
Mery Dil Ki Ye Dharkan or Sansain
Bus Tumhara Naam Laiti Hain
Wohi Ik Wird Karti Hain
Meri Ankho'n K Sahil Par
Teri Khwahish Ki Mojoan Ny
Bari Halchal Machai Hai
Teri Tasveer,Sookhay Phool or Tohfay!
Teri Chahat Ki Khushbu Main
Abhi Takk Sans Laitay Hain
Wo Sabb Rastay K Jin Par Tum Hamaray Sath Chaltay Thay
Wo Sabb Rastay Jahan Teri Hansi K Phool Khiltay Thay
Jahan Pairhon Ki Shakhon Par
Hum Apna Naam Likhtay Thay
Udasi Say Bharay Manzar
Tumharay Lout Kar Anay Ki Umeedain Dilatay Hain
Suno Kuch Bhi Nahi Badla
Tumharay Paau'n Ki Awaz Sun’nay Ki
Mery Kamray Ki Bay Tarteeb Chezain Muntazir Hain
Suno!!!
Takmeel Paati Chahton Ko Yun Adhoora To Nahi Choro
Mujhay Matt Azmao Tum
Chalo Abb Lout Aao Tum!!!!