Suno Jana

Woh Kehti Hai Suno Jana!

Wo Hehti hai Suno Jaana! Mohabbat moom ka ghar hai, Tapish Ye Bad’gumaani Ki, Kahin Pighla Na De Is Ko…

.

Mein Kehta Hon Keh Jis Dil Mein Zara Bhi Bad’gumaani Ho,

Wahan Kuch Aur Ho To Ho, Mohabbat Ho Nahi Sakti…

.

Woh Kehti Hai, Sada Aise He Kia Tum Mujh Ko Chaho Gay??

Keh Mein Is Mein Kami Koi Gawaara Kar Nahi Sakti…

.

Mein Kehta Hon Mohabbat Kia Hai Ye Tum Ne Sikhaaya Hai,

Mujhay Tum Se Mohabbat K Siwa Kuch Bhi Nahi Aata…

.

Woh Kehti Hai Judaai Se Boht Darta Hai Mera Dil,

Keh Khud Ko Tum Se Hat Kar Dekhna Mumkin Nahi Hai Ab…

.

Mein Kehta Hon, Yehi Khadshe Boht Mujh Ko Sataaty Hein,,

Magar Such Hai Mohabbat Mein Judaai Saath Chalti Hai…

.

Woh Kehti Hai, Bataao Kia Mere Bin Jee Sako Gay Tum?

Meri Baatein, Meri Yaadein, Meri Aankhen Bhula Do Gay???

.

Mein Kehta Hon, Kabhi Is Baat Pe Socha Nahi Mein Ne,

Agar Ek Pal Ko Bhi Sochon To Saansein Rukne Lagti Hein…

.

Woh Kehti Hai, Tumhein Mujh Se Mohabbat Is Qadar Q Hai??

Keh Mein Ek Aam C Larki Tumhein Q Khaas Lagti Hon…

.

Mein Kehta Hon, Kabhi Khud Ko Meri Aankhon Se Tum Dekho,

Meri Deewaangi Q Hai, Ye Khud He Jaan Jaao Gi…

.

Woh Kehti Hai, Mujhy Waraftagi Se Dekhte Q Ho?

Keh Mein Khud Ko Boht He Qeemati Mehsus Karti Hon…

.

Mein Kehta Hon, Mataa-e-Jaan Boht Anmol Hoti Hai,

Tumhein Jab Dekhta Hon, ZindaGi Mehsus Karta Hon…

.

Woh Kehti Hai Mujhy Alfaaz K Jugnu Nahi Miltay,,

Tumhein Batla Sakon Dil Mein Meri Kitni Mohabbat Hai…

.

Mein Kehta Hon, Mohabbat To Nigaahon Se Jhalakti Hai,

Tumhari Khamoshi Mujh Se Tumhari Baat Kart Hai…

.

Woh Kehti Hai, Bataao Na, Kisay Khonay Se Darte Ho,,

Bataao Kaun Hai Wo Jis Ko Ye Mausam Bulaatay Hein…?

.

Mein Kehta Hon, Ye Meri Shayari Hai Aaina Dil Ka,

Zara Dekho!! Bataao Kia Tumhein Is Mein Nazar Aaya….

.

Woh Kehti Hai Keh Atif G…..! Boht Baatein Banaaty Ho,,

Magar Such Hai Keh Ye Baatein Boht He Shaad Rakhti Hein….

.

Mein Kehta Hon Ye Sub Baatein, Fasaanay Ek Bahaana Hein,,

Keh Pal Kuch Zindagaani K Tumharay Saath Cut Jayen…

.

Phir Us K Baad Khamoshi Ka Dilkash Raqs Hota Hai,,

Nigahen Bolti Hein Aur Lab Khamosh Rehte Hein…